HOME|मराठी मुख्य सूची|मराठी साहित्य|पाळणे|

मदालसाचे अंगाई गीत

मदालसाचे अंगाई गीत

 SEARCH  
मदालसाचे अंगाई गीत

श्रीगुरु देवराया प्रणिपातु जो माझा । अनादि मूळ तूचि विश्‍वव्यापका बीजा ।

समाधि घेई पुत्रा स्वानंदाचिया भाजा । पालखी पहुडलिया नाशिवंत रे माया ॥१॥

जाग रे पुत्रराया जाई श्रीगुरुशरण । देह तू व्यापलासी चुकवी जन्ममरण ।

गर्भवासु वोखटा रे तेथे दु:ख दारुण । सावध होई का रे गुरुपुत्र तू सुजाण ॥२॥

मदालसा म्हणे पुत्रा ऎक बोलणे माझे । चौर्‍यांशी घरामाजी मन व्याकुळ तुझे ।

बहुत सिणतोसी पाहता विषयासी वांझे । जाण हे स्वप्नरुप येथे नाही बा दुजे ॥३॥

सांडी रे सांडी बाळा सांडी संसार छदु । माशिया मोहळं रे रचियेला रे कंदु ।

झाडुनि आणिखी नेला तया फुकटचि वेधु । तैसी परी होईल तुज उपदेशे आनु ॥४॥

सत्व हे रज तम तुज लाविती चाळा । काम क्रोध मद मत्सर तुज गोविती खेळा ।

यासवे झणे जासी सुकुमारा रे बाळा । अपभ्रंशी घालतील मुकशील सर्वस्वाला ॥५॥

कोसलियाने घर सुदृढ पै केले । निर्गमु न विचारिता तेणे सुख मानियेले ।

झाले रे तुज तैसे यातायाती भोगविले । मोक्षद्वार चुकलासी दृढ कर्म जोडले ॥६॥

सर्पे पै दर्दुर धरियेला रे मुखी । तेणेहि रे माशी धरियेली पक्षी ।

तैसा नव्हे ज्ञानयोगु आप‍आपणाते भक्षी । इंद्रिया घाली पाणी संसारी होई रे सुखी ॥७॥

पक्षिया पक्षिणी रे निरंजनी ये वनी । पिलिया कारणे रे गेली चराया दोन्ही ।

मोहोजाळे गुंतली रे प्राण दिधले टाकुनी । संसार दुर्घट हा विचारु पाहे परतुनी ॥८॥

जाणत्या उपदेशु नेणता भ्रांती पडिला । तैसा नव्हे ज्ञानप्रकाशु ज्ञानदेवो अनुवादला ।

अनुभवी गुरुपुत्र तोचि स्वये बुझाया । ऎक त्या उद्धरणा गायक सहज उद्धारला ॥९॥

Translation - भाषांतर
N/A
N/A
Last Updated : Sunday February 10, 2008 1:33 PM
By using this page, you agree to the Terms of Service. If you disagree, please close your browser immediately and remove all content that might have downloaded on your computer. Best viewed at 1280x800 resolution or higher.
This work is licensed under a Creative Commons Attribution-NonCommercial-ShareAlike 2.5 License.
[Powered by TransLiteral Foundation's Portal Software TransPortlets v4.4.108]

Nothing More : Nothing Less : Just Perfect