HOME|मराठी मुख्य सूची|मराठी साहित्य|पाळणे|
अक्रूराचा पाळणा

अक्रूराचा पाळणा

अक्रूराचा पाळणा Akrur Palana

 SEARCH  
अक्रूराचा पाळणा

अजि अक्रूर हा नेतो श्रीकृष्णाला । सखे काळ कोठुनि आला ॥

नाही सुचत मसी काम धाम आणि धंदा । आठवते आनंदकंदा ॥

मुळापासुनि मी होते प्रभुचे छंदा । नाही दया आली गोविंदा ॥

सावंळी मूर्ति आजि पाहूं

युक्तिने बहुत समजावू

उत्तम गुण हरिचे गाऊं

नसे धीर मला जीव व्याकुळ झाला ।

सखे काळ कोठुनि आला ॥

या कृष्णाने लाविली ममता लटकी ।

बाई कपटी पुरता चटकी ॥

वश कुब्जेला झाला नागर लटकी ।

आता हरी तिला लंपट की ॥

काय व्यर्थ आता करुनियां वटवट की ।

झाली गोड प्रभुला बटकी ॥

सखे पुण्यभाव आजि सरला

मुरलीधर प्रभु अंतरला

सर्वस्वे उपाय हरला

जसे निष्फळ हे रन्तजडित अंधाला ।

सखे काळ कोठुनि आला ॥

प्रभुचे रुप पहा जशि मदनाची मूर्ति ।

सच्चिद्‍घन अगम्य कीर्ती ॥

मुखचंद्राची काय वर्णु सुखपूर्ती ।

दर्शने कामाना पुरती ॥

दुष्ट दैत्यांचे हात पहा खुरखुरती ।

नलगे तिला तुर्तातुरती ॥

धन्य धन्य यशोदाबाई

तव सुत पहा शेषताई

कुंजवनी चारितो गाई

परब्रह्म गडे रुप दिसे आम्हांला । सखे काळ कोठुनि आला ॥

Translation - भाषांतर
N/A
References : N/A

Last Updated : 2007-12-09T20:31:57.2970000
©TransLiteral Foundation/ मी मराठी माणूस.
By using this page, you agree to the Terms of Service. If you disagree, please close your browser immediately and remove all content that might have downloaded on your computer. Best viewed at 1280x800 resolution or higher.
This work is licensed under a Creative Commons Attribution-NonCommercial-ShareAlike 2.5 License.
[TransPortlets v4.7.199]

Nothing More : Nothing Less : Just Perfect